სვის კაპიტალმა ერთგულ მომხმარებელს ახალი ფინანსური პროდუქტი - ციფრული ავტო სესხი წარუდგინა.
სიახლის არსი იმაში მდგომარეობს, რომ მომხმარებელი ონლაინ მოთხოვნის გაფორმებიდან 20 წუთში ავტო სესხის თანხას კომპანიის ფილიალში ვიზიტის გარეშე იღებს. ავტო სესხის მისაღებად საჭირო პროცესები, ავტომანქანის შეფასებისა და სესხის ხელშეკრულების გაფორმების ჩათვლით, სრულად დისტანციურად მიმდინარეობს.
აღნიშნული ფინანსური პროდუქტი, კომპანიის ერთგული მომხმარებლისთვის, მობილური აპლიკაცია სკაპის გამოყენებით არის ხელმისაწვდომი.
ციფრული ავტო სესხის შექმნით, სვის კაპიტალი გახდა პირველი კომპანია მიკროსაფინანსო სექტორში, რომელიც ავტო სესხს სრულად დისტანციურად გასცემს.
სერვისების გაციფრულება სვის კაპიტალის სტრატეგიული პრიორიტეტია. კომპანია ამ მიმართულებით 2019 წლიდან აქტიურად მუშაობს და, ციფრული ტრანსფორმაციის გზით, სამომავლოდ მომხმარებლისთვის კიდევ უფრო მარტივი, კომფორტული და სწრაფი ფინანსური გადაწყვეტების შეთავაზებას გეგმავს.